మనలో చాలా మందికి కప్పు కాఫీ తాగంగే రోజు ప్రారంభంకాదు. కాసిన్ని కాఫీ నీళ్లు గొంతు తడిపితే చాలు.. ఎక్కడలేని హుషారు పుట్టుకొస్తుంది. నిద్దమత్తు.. దాని తాలూకు బద్ధకం అంతా ఒక్కసారిగా ఎగిరిపోతుంది. అందుకే ఘుమఘుమలాడే కమ్మటి కాఫీ కడుపులోకి దిగందే పనిలోకి దిగమంటారు కాఫీ ప్రియులు. అలాంటిది ఓ కాఫీ ప్రేమికుడు వేడి వేడిగా కాచిన కాఫీకి బదులు ఏకంగా పచ్చి కాఫీ గింజలను కసపిస నమిలి మింగేశాడు. ఇలా చేయడం వల్ల అతడికి కావల్సిన కెఫిన్‌ అందుతుందట. ఓ సోషల్‌ మీడియా వ్లాగర్ తన భర్త కెఫిన్‌ తీసుకుంటున్న విధానాన్ని వీడియో తీసి ఇన్‌స్టాగ్రామ్‌లో పోస్టు చేసింది. ఇది కాస్తా ప్రస్తుతం నెట్టింట వైరల్‌గా మారింది.