అమరన్ సినిమాకు వ్యతిరేకంగా నిరసన.. థియేటర్ పై పెట్రోల్ బాంబు దాడి.. అమరన్ సినిమా ప్రదర్శితమవుతున్న థియేటర్‌పై పెట్రోలు బాంబు పేలిన ఘటన కలకలం రేపింది. ఇప్పటికే పోలీసులు ఈ ఘటనపై విచారణ చేపట్టారు. తెలుగు, తమిళంలో భాషలలో ఈ సినిమా విజయవంతంగా రన్ అవుతుంది. ముఖ్యంగా తమిళనాడులోని అత్యధిక థియేటర్లలో సక్సెస్ ఫుల్ గా రన్ అవుతుంది. తమిళనాడులోని తిరునల్వేలి మేలపాళయం ప్రాంతంలోని థియేటర్‌లో అమరన్ చిత్రాన్ని ప్రదర్శించారు. ఈ క్రమంలోనే శనివారం తెల్లవారుజామున 3 గంటల ప్రాంతంలో ఇద్దరు దుండగులు నెల్లై థియేటర్ పై పెట్రోల్ బాంబు విసిరారు. ఈ ఘటన తీవ్ర సంచలనం సృష్టించింది. ఇందుకు సంబంధించిన సీసీ విజువల్స్ ఇప్పుడు సోషల్ మీడియాలో వైరలవుతున్నాయి.