హైదరాబాద్ నగరం అంబర్‌పేట్ ప్రాంతం ప్రేమ్‌నగర్‌లోని ఓ అపార్ట్‌మెంట్‌లో ఓ దొంగ దూరాడు. సరే ఏదో ఇల్లుకు కన్నం వేసి విలువైన వస్తువులు దోచుకెళ్తాడు అనుకుంటాం ఎవరైనా. కానీ, ఆ దొంగ ఏం చేశాడో తెలుసా? అపార్ట్‌మెంట్‌లోని ఓ ఫ్లోర్‌కి చేరుకున్న ఆ దొంగ అక్కడ ఉన్న కొత్త చెప్పులు, షూస్ ఎత్తుకెళ్లడానికి వచ్చాడు. ఎదురెదురుగా రెండు ఇళ్ల బయట స్టాండ్‌లో పెట్టిన చెప్పులను దొంగతనం చేయడానికి ప్రయత్నించాడు. చెప్పులను తీసి పరిశీలిస్తూ కింద ఓ పక్కన పెట్టుకున్నాడు. ఆ తర్వాత ఎదురుగా ఉన్న మరో ఇంటి ముందు ఉన్న చెప్పులను కూడా తెచ్చుకున్నాడు. ఈ తతంగం అంతా అక్కడ ఉన్న సీసీ కెమెరాలలో రికార్డయింది.