తెలుగు రాష్ట్రాల్లో సంచలనం సృష్టించిన పైరసీ రాకెట్ ప్రధాన సూత్రధారి iBomma రవి కేసులో సైబర్ క్రైమ్ విచారణ మరింత వేగవంతమైంది. రెండవ దఫా పోలీస్ కస్టడీ లో అధికారులు మరోసారి కీలక అంశాలపై ప్రశ్నించారు. ఈ క్రమంలో రవికి చెందిన ఈ మెయిల్ అకౌంట్లను పోలీసులు పూర్తిగా రిట్రైవ్ చేయడంతో సంచలన వివరాలు వెలుగులోకి వచ్చాయి. మెయిల్లో స్పామ్, హైడ్ ఫైళ్లలో దాచిపెట్టిన రహస్య డేటాను సాంకేతిక నిపుణులు పరిశీలిస్తుండగా, పైరసీ ఆపరేషన్లకు సంబంధించిన కొన్ని ముఖ్యమైన క్లూస్ బయటపడుతున్నాయని సమాచారం.