ఆంధ్రప్రదేశ్‌లో కురిసిన భారీ వర్షాలు పలు ప్రాంతాల్లో జనజీవనాన్ని ప్రభావితం చేసినప్పటికీ.. గణేష్‌ లడ్డూ వేలాలకు మాత్రం భక్తుల ఉత్సాహం తగ్గలేదు. మచిలీపట్నం సముద్ర తీరంలో ప్రతిష్ఠించిన 63 అడుగుల మహా గణపతి కోసం తయారు చేసిన 630 కిలోల భారీ లడ్డూను జూమ్‌ కాల్‌ ద్వారా నిర్వహించిన వేలంలో రూ.25 లక్షలకు గుమ్మడి భవానీ శంకర్‌ దక్కించుకున్నారు. ఆయన కుటుంబ సభ్యులు లడ్డూను స్వీకరించారు. ఈ వేలంలో ఆన్‌లైన్‌, ఆఫ్‌లైన్‌ విధానాల్లో 600 మందికి పైగా భక్తులు పాల్గొన్నారు.