ప్రకాశం జిల్లాలో శతాబ్దాల నాటి విశేష ఆచారాలు ఇంకా కొనసాగుతున్నాయి. ఇక్కడ కొన్ని గ్రామాల్లో పూజల సమయంలో పురుషులు ఆడవారి వేషాల్లోకి, మహిళలు మగవారి వేషాల్లోకి మారడం ప్రత్యేక సంప్రదాయంగా ఉంది. యర్రగొండపాలెం మండలంలోని కొలుకుల గ్రామంలో అయితే వధూవరులు కూడా పెళ్లికి ముందే ఒకరోజు పాటు పాత్రలు మార్చుకుని తమ ఇష్టదైవానికి పూజలు చేస్తారు. వధువు వరుడిలా, వరుడు వధువులా అలంకరించుకుని ఊరేగింపు జరిపే ఈ ఆచారం తరతరాలుగా కొనసాగుతోంది.