దుబ్బాక ప్రాంతంలో ఓ కుటుంబం తెగ సంబరపడిపోతోంది. తమ ఇంట్లో ఒక మొక్కకు రెండు బ్రహ్మ కమలం పువ్వులు పూయడంతో ఆనందానికి అవధులు లేకుండాపోయాయి. శివుడే మా ఇంట్లో వచ్చి శివతాండవం చేసి బ్రహ్మ కమలాల పూయించాడని సంతోషంతో ఆలయంలో శివుని పాదాల వద్ద ఉంచారు ఆ కుటుంబ సభ్యులు. సిద్దిపేట జిల్లా దుబ్బాక మున్సిపల్ కార్యాలయంలో ఔట్ సోర్సింగ్ ద్వారా విధులు నిర్వహిస్తున్న బావోజీ పరశురాములు, స్వాతి దంపతులు ఇంట్లో ఈ అద్భుతం వెలుగు చూసింది. 9 సంవత్సరాల క్రితం కేరళ ప్రాంతంలో చిన్న బ్రహ్మ కమలం మొక్కను తీసుకొచ్చి తమ ఇంట్లో పెంచుకుంటున్నారు దంపతులు.