കൊടുവള്ളി എം.എല്.എ. കാരാട്ട് റസാഖിന്റെ തിരഞ്ഞെടുപ്പ് വിജയം റദ്ദാക്കിയ ഹൈക്കോടതി സിംഗിള് ബെഞ്ച് ഉത്തരവ് ഡിവിഷന് ബെഞ്ച് സ്റ്റേ ചെയ്തു. സിംഗിള് ബെഞ്ച് ഉത്തരവിനെതിരേ കാരാട്ട് റസാഖിന്റെ അഭിഭാഷകന് നല്കിയ അപേക്ഷ പരിഗണിച്ചാണ് ഡിവിഷന് ബെഞ്ച് 30 ദിവസത്തേക്ക് താത്ക്കാലിക സ്റ്റേ അനുവദിച്ചത്. ഇക്കാലയളവില് കാരാട്ട് റസാഖിന് നിയമസഭ നടപടികളില് പങ്കെടുക്കാമെന്നും ഡിവിഷന് ബെഞ്ച് വ്യക്തമാക്കി. കൊടുവള്ളി തിരഞ്ഞെടുപ്പില് മുസ്ലീംലീഗ് സ്ഥാനാര്ഥി എം.എ. റസാഖ് മാസ്റ്ററെ വ്യക്തിഹത്യ ചെയ്തെന്ന ഹര്ജിയിലാണ് ഹൈക്കോടതി സിംഗിള് ബെഞ്ച് കാരാട്ട് റസാഖിന്റെ തിരഞ്ഞെടുപ്പ് വിജയം റദ്ദാക്കിയത്.