తెలుగు రాష్ట్రాల్లో అఘోరీ హల్చల్ ఇప్పట్లో ఆగేట్లు కనిపించడంలేదు. మంగళగిరి బైపాస్ రోడ్డు మీద అఘోరి హల్చల్ చేసింది. తాను కార్ సర్వీసింగ్ కి వచ్చిన సందర్భంలో పోలీసులు అడ్డుకుంటున్నారని నిరసన వ్యక్తం చేస్తూ హైవేపై బైఠాయించింది. వాహనాలకు రాకపోకలకు ఇబ్బంది అవుతుందని చెప్పేందుకు వచ్చిన పోలీసుల వారితో అఘోరీ దురుసుగా వ్యవహరించింది. అక్కడ నుంచి తరలించేందుకు ప్రయత్నించగా.. పోలీసులపై దాడికి యత్నించింది. దీంతో దిక్కతోచని పరిస్థితిలో అఘోరీని తాళ్లతో బంధించారు పోలీసులు.