బంగారం ధరలకు రెక్కలు వస్తున్నాయి. మరోవైపు గోల్డ్ స్మగ్లర్లు యద్ధేచ్చగా బంగారం అక్రమ రవాణాకు పాల్పడుతున్నారు. అధికారుల కళ్లుగప్పి అడ్డదారుల్లో బంగారాన్ని తరలిస్తున్నారు. అంతర్జాతీయ విమానాశ్రయాలు, ఓడరేవుల్లో చాలా సార్లు బంగారం పట్టుబడిన సంఘటనలు అనేకం వెలుగులోకి వస్తున్నాయి. ఈ క్రమంలోనే తాజాగా దేశ రాజధాని ఢిల్లీలోని ఇందిరా గాంధీ అంతర్జాతీయ (IGI) విమానాశ్రయంలో కస్టమ్స్ విభాగం భారీగా బంగారాన్ని స్వాధీనం చేసుకుంది. ఒక ఇరాకీ పౌరుడి వద్ద నుండి 1.2 కిలోల బంగారాన్ని స్వాధీనం చేసుకున్నారు కస్టమ్స్ అధికారులు.