ఎన్నికల సమయంలో జెండాలు మోయటం, పార్టీ ఎజెండా ప్రజల్లోకి తీసుకుని వెళ్లటం, ఓట్లు వేయండయ్యా.. అంటూ ప్రజలను రిక్వెస్ట్ చేయటం ఇది సగటు పార్టీ కార్యకర్తలు పని అనుకుంటాం. కానీ పోలవరం నియోజకవర్గంలో జనసేన కార్యకర్తలు మరో అడుగు ముందుకు వేశారు. ఓ ఎమ్మెల్యే నియోజకవర్గంలో పర్యటిస్తున్నారంటే పెద్ద ఎత్తున హడావుడి ఉంటుంది. ఎమ్మెల్యే కారుతోపాటు, పక్కన పదుల సంఖ్యలో చోటా మూటా నాయకులు ఉంటారు. అలాంటిది మోటార్ సైకిల్‌పై నియోజకవర్గంలో తిరుగుతున్న ఎమ్మెల్యేను చూసిన కార్యకర్తలు తట్టుకోలేకపోయారు. ఏకంగా ఓ కారును ఎమ్మెల్యేకు బహుమతిగా ఇచ్చారు.