రీల్స్‌ మోజులో యువత ప్రాణాలను సైతం పణంగా పెడుతున్నారు. ఫేమస్‌ అయ్యేందుకో, సరదా కోసమో ఈ మధ్య కొందరు ప్రమాదకర రీతిలో స్టంట్‌లు చేస్తూ ప్రాణాల మీదకు తెచ్చుకుంటున్నారు. ఇలాంటివి ఎన్ని సంఘటనలు జరిగినా యువతలో ఈ స్టంట్‌ పిచ్చి మాత్రం వదలట్లేదు. తాజాగా విహార యాత్రకు వెళ్లిన కొందరు కుర్రోళ్లు నిండు కుండలా పొంగి పొర్లుతున్న డ్యామ్‌పై ప్రమాదకర స్టంట్‌ చేసి మృత్యువును కోరితెచ్చుకున్నారు. వీరిలో ఒకరు మృతి చెందగా.. మరో ఇద్దరు తృటిలో తప్పించుకున్నారు. ఈ భయానక ఘటన మహారాష్ట్ర లోని నాగ్‌పుర్‌లో చోటు చేసుకుంది. ఇందుకు సంబంధించిన వీడియో ప్రస్తుతం నెట్టింట వైరల్‌గా మారింది.